Нечакана напісаўся праз трыццаць гадоў працяг казак пра мышку Пік-Пік! Шукайце ў крамах, замаўляйце ў выдавецтве “Аверсэв”, дзе выйшлі чатыры кніжкі з папярэднімі прыгодамі… Новыя прыгоды — гэта дзве новыя кніжачкі з цудоўнымі ілюстрацыямі Марыі Каратаевай.

НазадКультура

Прэзентацыя кнігі «Пісьменніцкія вандроўкі» адбылася ў Мінску

Аўтар: Лізавета Голад05.12.2025 | 12:36

Прэзентацыя кнігі вядомай беларускай пісьменніцы Людмілы Рублеўскай «Пісьменніцкія вандроўкі» адбылася ў кінатэатры «Піянер» 4 снежня.

---

Гэта кніга — сапраўдны скарб для аматараў падарожжаў па Беларусі. Яна адкрывае родны край з невядомых і таямнічых бакоў. Дарэчы, гэта выданне можна выкарыстоўваць як даведнік, дзякуючы адзначаным геалакацыям.

“У мяне няма ніводнага “пустога” дня, кожны дзень нейкая падзея”. Гэтыя словы Ігара Віктаравіча Волчака  — не проста пра спрыяльныя абставіны… Такія людзі, як ён, самі ствараюць штодзённыя падзеі, імкнучыся зрабіць як мага болей, аддаць як мага болей, рэалізуючы свой талент…

публікацыя ў часопісе “Маладосць”, №10 2025

Хаця тут хутчэй трэба казаць у множным ліку: таленты. Бо заслужаны дзеяч мастацтваў Беларусі Ігар Волчак – не толькі легендарны рэжысёр-аніматар, але і кампазітар, музыкант, сцэнарыст, выкладчык… Пералічваць яго ўзнагароды за перамогі на ўсемагчымых конкурсах і фестывалях занадта доўга – само імя ўжо міжнародны брэнд… А згадаць яшчэ і грамадскую дзейнасць – узначальваў Саюз кінематаграфістаў, арганізоўваў і “журыў” фестывалі… Для размовы з Майстрам мы сустрэліся на кінастудыі “Беларусьфільм”, дзе Ігар Віктаравіч стварыў столькі шэдэўраў. Дык ці можна сёння казаць пра “школу Ігара Волчака”? Што Майстар думае пра “маладую змену”?

• 

У кнігу паэзіі «Сад камянёў» увайшлі лепшыя вершы Людмілы Рублеўскай, напісаныя на працягу сарака гадоў, пачынаючы ад першых публікацый. Філасофскае асэнсаванне свету, адвечных экзістэнцыяльных праблем —  жыццё і смерць, творчасць і прафанны свет, ахвярнасць і прагматычнасць — знітавана з асэнсаваннем шляхоў беларускай гісторыі, месца беларусаў у свеце, са шчырай любоўю да роднай зямлі. Толькі ад непаўторнай нацыянальнай культуры магчымы шлях ва Універсум, толькі ведаючы і шануючы гісторыю свайго народа, можа адбыцца асоба, сцвярджае аўтар сваімі творамі, якім уласцівы экзістэнцыйны роздум і напружаны псіхалагізм, рэфлексіўная медытатыўнасць і іранічны досціп.

https://izdatelstvo.by/catalog/khudozhestvennaya_literatura/1140

Маладосць, №8 2025

“Творчасць прадугледжвае ўнутраную свабоду. Ты робішся такім рэжысёрам, якім цябе зробіць твой характар, твая асоба, гэта не схаваеш”. Так сказаў аднойчы ў гутарцы са мною гэты Майстар.

Ён мае права так гаварыць. Яго фільмы запамінаюцца адразу… «Зімародак», «Хлеб пахне порахам”, “Фруза”, “Бацькі і дзеці”, “Высакародны разбойнік Уладзімір Дуброўскі”, “Душа мая,  Марыя”… Легендарныя стужкі, якія ўвайшлі ў гісторыю. Лаўрэат дзяржаўнай прэміі СССР, заслужаны дзяяч мастацтваў Беларусі Вячаслаў Нікіфараў шмат гадоў працуне на беларускай культурнай пляцоўцы, хоць нарадзіўся не тут… Але карэнні ў яго, аказваецца, ёсць і беларускія – дзядуля па маці Георгій Уладзіміравіч Курт нарадзіўся на нашай зямлі.

Пераклад Людмілы Рублеўскай для Віктара Шніпа на ягонае 65-годдзе

Кніга прамудрасці Ісуса, сына Сірахава. Раздзел 6, вершы 6-17

“Тых, хто жыве з табою ў ладзе, хай будзе шмат, а дарадцам тваім – адзін з тысячы…”

Адзін на тысячу – Саламон

Казаў, будзе больш, чым братам.

Шукай яго хоць палову дзён,

І ўсіх тваіх дзён ён варты.

Дзевяцьсот дзевяноста дзевяць заўжды

Павераць плёткам, асудзяць.

А тысячны будзе з табой тады,

Калі цэлы свет—супраць.

Не стане клясціся напаказ,

Хваліцца дружбай святою.

Дзевяцьсот дзевяноста дзевяць на раз

Адпрэчаць цябе з бядою,

Але ўжо калі ты знайшоў яго,

Увесь свет не мае вагі.

Твой тысячны пойдзе з табой у агонь,

У ваду і на ўсе берагі.

Табе адкрытыя скарбы яго –

Патраць хоць усё да донца.

Ён будзе з табой не дзеля чагось,

А толькі дзеля сяброўства.

Дзевяцьсот дзевяноста дзевяць прымчаць

Узяць ад тваіх багаццяў.

І толькі адзін на чужых вачах

Падзеліць тваё няшчасце.

Падзеліць віну і праўду, як след,

У час і не ў час прытуліць.

Ён будзе з табой, хай шалее свет,

Проста таму, што любіць.

Дзевяцьсот дзевяноста дзевяць збягуць,

Калі цябе пакаралі.

А тысячны пойдзе з табой за руку

На эшафот і далей.